Personal Blog
ကိုဇော်မိုးအောင် ရဲ့ Blog မှာတွေလို့ ကျနော်ရဲ့ Color ကိုလည်းသိချင်တာနဲ့စမ်းကြည့်လိုက်မိတယ်။ အောက်မှာပြထားတဲ့အတိုင်း အ၀ါရောင်ဖြစ်နေပါတယ်။ သူငယ်ချင်းတို့လည်း ကိုယ်ရဲ့ Color ကိုသိချင်ရင် ဒီမှာ စမ်းကြည့်နိုင်ပါတယ်။
| YELLOW |
You are very perceptive and smart. You are clear and to the point and have a great sense of humor. You are always learning and searching for understanding.
အရင်က နေရာတိုင်းလိုလိုမှာ တွေ့နေရတဲ့ PCO ဖုန်းဆိုင်တွေဆို အခုတစ်ဆိုင်မှမတွေ့ရတော့ဘူး။ ဖုန်းဆက်ဖို့ရာအတွက် တကယ်ကိုအခက်ကြုံရတယ်။
ဆောင်းရာသီရောက်လို့ မနက်မနက် ကျူံးဘေးက ညောင်မုတ်ဆိတ်ပင်ကြီးကိုဖြတ်ပြီး အလုပ်သွားရင် ငယ်ငယ်ကဖြစ်ပျက်ခဲ့တဲ့ အဖြစ်အပျက်လေးကို သတိရမိ့တယ် ......
1993 လောက်က ...
ဆောင်းရာသီရဲ့ မနက်ခင်းတစ်ရက်မှာ ဘဘနဲ့အတူ လမ်းလျှောက်ထွက်ခဲ့ကြတယ်၊ မနက်ဝေလီဝေလင်း အချိန်ဆိုတော့ မီးရောင်ရှိတဲ့နေရာကလွဲလို့ ကျန်တဲ့နေရာတွေမှာ အမှောင်ဖုံးနေခဲ့တယ်။ မြေးအဖိုးနှစ်ယောက် လမ်းလျှောက်လိုက်၊ ပြေးလိုက်၊ နားလိုက်၊ လုပ်ရင်းနဲ့ ကျူံးဘေးကိုရောက်လာခဲ့တယ်၊ ကျူံးဘေးမှာ ကျနော်တို့လိုပြေးနေတဲ့ သူတော်တော်များများရှိနေတယ်။ အဲဒီအချိန်ကလည်း မန္တလေးမှာ ဆောင်းတွင်းအားကစားပွဲတွေလုပ်တဲ့အချိန်ဆိုတော့ မနက်ဆို ထပြေးတဲ့သူ၊ လေ့ကျင့်ခန်းလုပ်တဲ့သူတွေနဲ့ တော်တော်စည်တယ်။ ကျူံးဘေးမှာ အပြေးလေ့ကျင့်ရင်းနဲ့ မောလာလို့ သစ်ပင်တစ်ပင်အောက်မှာ ခဏနားဖြစ်ခဲ့ကြတယ်။ ကိုယ်နားနေတဲ့ သစ်ပင်ကိုကြည့်လိုက်မိတော့ စိတ်ဝင်စားသွားတယ်။ သစ်ပင်ကနေပြီး မုတ်ဆိတ်မွေးလို နွယ်တွေအောက်ကို အများကြီးကျနေတယ်လေ။ သိချင်လာတာနဲ့ ဘဘကိုမေးကြည့်တော့ အဲဒါ “ ညောင်မုတ်ဆိတ် ” ပင်လို့ ဘဘကပြောပြတယ်။ အပင်ကြီးကို စိတ်ဝင်တစားနဲ့ကြည့်နေတာ ဘေးမှာအတူနားနေတဲ့ ဘဘကိုသတိမထားလိုက်ဘူး။ သတိရလို့ကြည့်လိုက်တော့ ဘဘကမရှိတော့ဘူး။ ပတ်ဝန်းကျင်မှာရှာကြည့်တော့လည်း မတွေ့ဘူး။ အချိန်နည်းနည်းကြာလာတာနဲ့ ကျနော်စိုးရိမ်လာတယ်၊ ဘဘကျနော်ကိုမေ့ထားခဲ့ပြီး ထွက်သွားပြီလား၊ တစ်ယောက်တည်းပြန်ဖို့ရာလည်း အိမ်ကိုဘယ်လိုပြန်ရမယ်ဆိုတာ မသိဘူး။ ကျူံးနဲ့အိမ်က အဝေးကြီးမဟုတ်ပေမယ့် အခုမှစပြေးဖူးတာဆိုတော့ လမ်းလည်းမမှတ်မိ့ဘူး။ တစ်ယောက်တည်း တွေးရင်းတွေးရင်း ၀မ်းနည်းပြီး ငိုမိတယ်။ တော်တော်လေးကြာမှ ဘဘပြန်ရောက်လာပြီး ကျနော်ငိုနေတာတွေတော့ ဘာလို့ငိုတာလည်းဆိုတာမေးတယ်။ ငိုနေရင်းကပဲ ဘဘကိုရှာမတွေ့လို့ ငိုနေတဲ့အကြောင်းပြောပြတော့ ဘဘက သူဒီနားခဏလမ်းလျှောက်သွားတာပါလို့ပြောပြတယ်။ ကျနော်ကိုလည်း မငိုတော့ဖို့ပြောပြီး မြေးအဖိုးနှစ်ယောက် အိမ်ပြန်ခဲ့ကြတယ် ....
ပေါက်ပေါက် ကောင်းမှုကြောင့် ကျနော် Post တစ်ခုရေးဖြစ်သွားပြီ ...း)
ပြန် Tag ရမယ့်သူတော့မရှိဘူး ....
ဒီတော့ ကျနော် ပို့စ်အသစ်တစ်ခုရေးပြီး ပေါက်ပေါက်ကို ပြန်ကောင်းမှုပြုရမယ် ....;)
ပေါက်ပေါက်ရေ ရေးဖို့ပြင်ထားပါဗျာ .....
အခုရက်ပိုင်း သူငယ်ချင်း website ပြန်ဆွဲနေတာနဲ့ မအားဘူးဖြစ်နေလို့ ဘာပို့စ်မှမတင်ဖြစ်လိုက်ဘူး။ webpage ကတော့ တ၀က်ကျော်ကျော်ပြီးသွားပြီ။ သွားလည်းဒီစိတ် စားလည်းဒီစိတ် ဖြစ်နေတယ်။ ကွန်ပျူတာသုံးဖို့ကလည်း ၁ ပတ်မှာ ၂ ရက်ပဲအဆင်ပြေတာဆိုတော့ ရတဲ့အချိန်လေးမှာပဲ မြန်မြန်လုပ်နေရတယ်။
ပုံကြမ်း
၁၀ လပိုင်းမှာ သူငယ်ချင်းတစ်ယောက်ရဲ့ မွေးနေ့ရှိသေးတယ်။ သူအတွက် လွန်ခဲ့တဲ့နှစ်နှစ်လောက်ကတည်းက ရေးပေးထားတဲ့ website တစ်ခုရှိတယ်။ ပြီးခဲ့တဲ့တစ်နှစ်သူ့မွေးနေ့ မရောက်ခင်ကလည်း သူဆိုက်ကိုပြန်ပြင်ခဲ့တယ်။ ဒီနှစ်တော့ ဒီဇိုင်းအသစ်လုပ်ချင်တာတဲ့ အရင်အဟောင်းကို မနေ့ကလုံးဝ ဖျက်ပြစ်လိုက်တယ်။ စိတ်ကူးအသစ်နဲ့ ပုံစံအသစ်ဆွဲပြီး သူငယ်ချင်းမွေးနေ့အမီ လုပ်ပေးချင်တယ်။
28.08.07 ကျနော်ရဲ့ အတိတ်သို့အမှတ်တရ ဆိုတဲ့ ပို့စ်ကိုရေးကောင်းကောင်းနဲ့ ရေးလိုက်တာ အချိန်ကို သတိမထားလိုက်မိဘူး။ မနက် ၃း၀၀ နာရီ ကတည်းက ရေးနေတာ ပို့စ်ရေးပြီးသွားပေမယ့် zorpia မှာဝင်ပြီး setting တွေပြန်ချိန်းလိုက် ပြင်လိုက်လုပ်နေခဲ့တယ်။ စိတ်တိုင်းကျပြင်ပြီးသွားလို့ အမှတ်တမဲ့နာရီကိုမော့ကြည့်လိုက်တော့ မနက် ၅း၄၅။ သွားပြီ ... ကျနော်ပြာသွားတယ်။ ဧည့်သည်က မနက် ၅း၀၀ နာရီ သူ့အခန်းကိုနိုးဖို့ wake-up call ပေးထားခဲ့တာ။ အခု ၅း၄၅ ရှိနေပြီ။ ဘာဆက်လုပ်ရမှန်းတောင်မသိတော့ဘူး လူကတော်တော်ကိုပြာနေပြီ နိုးရမယ့်အချိန်ထက် ၄၅ မိနစ်နောက်ကျနေပြီ။ အခုမှစဉ်းစားကြည့်မိတယ် စောစောတုန်းက ဧည့်သည်နှစ်ယောက် ပြာပြာပြာပြာနဲ့အောက်ဆင်းလာပြီး breakfast သွားစားကြတာ။ အခန်းနံပါတ်ပြန်ကြည့်လိုက်တော့မှ ကိုယ်နိုးရမယ့်ဧည့်သည်က သူတို့ဖြစ်နေမှန်းသိလိုက်တယ်။ မျက်နှာပူလိုက်တာ။ ဧည့်သည်တွေကိုနှုတ်ဆက်ဖို့အတွက်တောင် ကျနော်မှာကောင်းကောင်းမပြုံးနိုင်တော့ဘူး။
၅း၀၀ နာရီမှာနိုးရမယ့်အခန်းက နှစ်ခန်း။ ဧည့်သည်တွေအောက်ဆင်းလာပေမယ့် သူတို့ Guide ဆင်းလာတာတော့မတွေ့သေးတာနဲ့ Guide အခန်းကို ဖုန်းဆက်လိုက်တော့ Guide က “ညီလေး အစ်ကို နိုးခိုင်းထားတာက မနက် ၅း၀၀ နာရီ အခု ၅း၄၅ ရှိနေပြီ ဘယ်လိုဖြစ်တာလဲတဲ့” ကျနော်လည်း Guide ကိုတောင်းပန်လိုက်ရတယ်။ တော်သေးတယ် Guide ကသဘောကောင်းလို့ Departure နေ့မို့လို့ ဒါမျိုးမမှားသင့်တဲ့အကြောင်း နောက်ဂရုစိုက်ဖို့လောက်ဘဲပြောသွားတယ်။ သူအခန်းနိုးပြီးသွားလို့ Wake-up call စာရွက်ယူကြည့်လိုက်တော့ ထပ်တွေ့ပြန်ပြီ ၅း၃၀ တဲ့။ ကျနော်လည်းစဉ်းစားမနေ့တော့ဘဲ ချက်ချင်းအဲဒီအခန်းကို ဖုန်းခေါ်လိုက်တယ်။ တော်သေးတယ် အဲဒီအခန်းကတော့အဆင်ပြေသွားတယ်။
မနက် ၆း၀၀ နာရီကျတော့ ကျနော်နဲ့ ဂျူတီချိန်းမယ့် ကျနော်သူငယ်ချင်းနှစ်ယောက်ရောက်လာတယ်။ သူငယ်ချင်းဆိုပေမယ့် သူတို့က ကျနော်ရဲ့ senior တွေ။ တစ်ယောက်ကဆို ကျနော်တို့ရဲ့ supervisor...။ သူတို့ကို ဂျူတီလွဲရင်းနဲ့ ကျနော် wake-up နောက်ကျခဲ့ရတဲ့ ကိစ္စကိုပါပြောပြလိုက်တယ်။ ၆း၁၅ မှာ check-out အခန်းတွေအတွက် ပြင်နေတုန်း ဧည့်သည် အမျိုးသမီးနှစ်ယောက် ပြာပြာပြာပြာနဲ့ဆင်းလာပြီး ဘယ်သူမှသူကိုမနိုးတဲ့အကြောင်းပြောပြီး Breakfast စားတဲ့ဘက်ကိုထွက်သွားတယ်။ ကျနော်တို့ သုံးယောက်စလုံး ကြောင်တောင်တောင်ဖြစ်သွားပြီးမှ wake-up call စာရွက်ကိုပြန်ယူကြည့်လိုက်တော့ မနက် ၄း၃၀ မှာ ဧည့်သည် wake-up call ပေးထားတယ်ဆိုတာသိ့လိုက်ရတယ်။ ဆိုးလိုက်တာ လွဲတာမှ အကုန်ကိုလွဲတာပါလား။ ကျနော်တော်တော်ထူပူသွားတယ်။ မေ့တက်တဲ့အကျင့်ရှိလို့ အမြဲတမ်းသတိထားပြီး လုပ်နေခဲ့တာ ဒီနေ့လိုဆိုးဆိုးရွားရွားဖြစ်တာမျိုး မကြုံဘူးသေးဖူး။ တစ်ရက်ပေါ့ဆမိလိုက်တာနဲ့ တလွဲဖြစ်တော့တာပဲ။ ပုံမှန်ဆို နိုက်ဂျူတီဝင်တဲ့ရက်တွေမှာ ဂျူတီလွဲယူပြီးတာနဲ့ အကုန်ပြန်စစ်၊ wake-up call တွေကိုလည်း Telephone Alarm ပေးထားနေကျ။ ဒီနေ့ကျမှ စိတ်ရူးပေါက်ပြီး Alarm မပေးတော့ဘဲ ကိုယ့်ဖာသာနိုးမယ်ဆိုပြီး ပေါ့လိုက်တာ။ ဂျူတီဝင်ကတည်းကလည်း wake-up call စာရွက်ကိုယူမကြည့်မိ့ဘူး။ သာမန်ကြည့်ပြီး အစောကြီးနိုးရမယ့်အခန်း မရှိဘူးဆိုပြီး ပေါ့ဆလိုက်မိတာလည်းပါတယ်။ သတိတစ်ချက်လွတ်လိုက်တာနဲ့ အမှားကြုံရတော့တာပဲ။ ကျနော်အတွက်တော့ သင်ခန်းစာကောင်းကောင်းရခဲ့တယ်လို့ပြောရမယ်။ ဘယ်အရာမဆို သတိရှိတာဟာအကောင်းဆုံးဖြစ်မှာပါ။
၁၀ တန်းအောင်ပြီး တက္ကသိုလ်မတက်ခင် ဦးလေးသူငယ်ချင်းတစ်ယောက်က သူတို့ အလုပ်မှာ ၀န်ထမ်းခေါ်တယ်ဆိုပြီးပြောလာတော့ အိမ်ကကျနော်ကို အလုပ်သွားလျှောက်ခိုင်းတယ်။ အင်တာဗျုးလုပ်တဲ့ နေ့မှာကိုယ်တက်တဲ့ ဂါထာလေးကိုရွတ်ပြီး ကိုယ်အလှည့်ကိုစောင့်နေလိုက်တယ်။ မကြာပါဘူး ကျနော်အလှည့်ကိုရောက်လာတယ်။ ဆရာလေးယောက်မေးတာတွေကို အတက်နိုင်ဆုံးဖြေပြီး အိမ်ကိုပြန်လာခဲ့တယ်။ အင်တာဗျူးလာဖြေတဲ့သူတွေထဲမှာ ကျောင်းကသူငယ်ချင်းတစ်ယောက် ကိုလည်းတွေ့လိုက်တယ်။ နောက်ရက်ကျ ဦးလေးသူငယ်ချင်းက အလုပ်ဆင်းဖို့အိမ်ကို အကြောင်းကြားလာတယ်။
၁၀တန်းအောင်ပြီးစ ဘာမှလည်းမသိ လုပ်ငန်းအတွေ့အကြုံလည်းမရှိသေးတဲ့ ကျနော်အတွက် အလုပ်ရမယ်လို့လုံးဝထင်မထားခဲ့မိ့ဘူး။ အလုပ်ဆင်းရမယ်ဆိုတော့ စိတ်ထဲတစ်မျိုးပဲ။ နောက်ရက် အမေကြီးထုပ်ပေးလိုက်တဲ့ ထမင်းချိုင့်လေးယူပြီး အလုပ်ကိုလာခဲ့တယ်။ အလုပ်မှာ အင်တာဗျူးနေ့တုန်းကတွေ့တဲ့ အစ်ကိုတစ်ယောက်(ကိုသဲနောင်)က လုပ်ရမယ့်အလုပ်တွေ၊ အလုပ်အကြောင်း၊ လုပ်ငန်းနဲ့ပက်သက်လို့ရှောင်ရန်ဆောင်ရန် အားလုံးကိုပြောပြပေးတယ်။ အင်တာဗျူးလုပ်တုန်းကတွေ့လိုက်တဲ့ ကျနော်ဆရာလေးယောက်(ဦးတင်ထွန်း၊ ဦးမောင်မောင်၊ ဦးထွန်းသိန်း၊ ဦးဝင်းအောင်) က အလုပ်မှာအချိန်ပြည့်မထိုင်ဘူးဆိုတာလည်း သိလိုက်ရတယ်။ ဆရာလေးယောက်ဆိုတဲ့အတိုင်း တစ်ယောက်တစ်မျိုးစီ ပညာတော်ကျတယ်။
ဆရာတို့တတွေရဲ့ သင်ကြားမှုတွေ၊ ဆိုဆုံးမမှုတွေကြောင့်ပဲ ကျနော်မျက်စိပွင့်နားပွင့်ဖြစ်ခဲ့ရတယ်။ သူတို့အားလုံး ကျနော်တို့ရဲ့အလုပ်ရှင် ဆရာတွေဖြစ်ပေမယ့် ကျနော်တို့အပေါ်အလုပ်သမားလို သဘောမထားဘဲ တူလိုသားလိုဆက်ဆံခဲ့ကြတယ်။ ဆရာတပည့်တွေ အတူတူပျော်ပျော်ပါးပါး ထမင်းလက်ဆုံစားခဲ့ဖူးတယ်။ ကြုံလာသမျှအခက်အခဲ တွေကိုလည်းအတူတူရင်ဆိုင် ဖြေရှင်းခဲ့ကျတယ်။ ကျနော်တို့ရဲ့တွဲလက်တွေ မမြဲခဲ့ပေမယ့် တစ်ချိန်က ကျနော်တို့အားလုံး ပျော်ရွှင်ခဲ့ကြပါတယ် ဆရာ ....
ဦးလေးကိုဆေးခန်းလိုက်ပို့ရင်း လမ်းမှာ စက်ဘီးလဲပြီး ကိုယ်ကိုယ်ကိုတောင် မနိုင်မနင်းဖြစ်နေတဲ့ အရက်သမားတစ်ယောက်ကိုတွေ့ခဲ့ရတယ်။ ရှိသမျှအရက်ဆိုင်တိုင်းမှာ လူတွေပြည့်နေတာကိုထပ်မြင်ရတော့ အခုပိုစ်ကိုရေးဖြစ်သွားခဲ့ပါတယ်။
အရက်
အရက်ကို လူအမျိုးမျိုးက အကြောင်းပြချက်မျိုးစုံနဲ့ သောက်နေခဲ့ကြတယ်။ ဘယ်လိုကြောင့်ပဲ သောက်သောက် ဒီအရက်ကကောင်းကျိုးမပေးတာကိုတော့ သူတို့အားလုံးသိကြမှာပါ။ အရက်သောက်လို့ ချမ်းသာသွားတဲ့သူ၊ ကြီးပွားသွားတဲ့သူရယ်လို့ တစ်ခါမှ မမြင်ဘူး၊ မကြားဘူးခဲ့ပါဖူး။ အရက်ရောင်းတဲ့သူသာ ရောင်းကောင်းလို့ ကောင်းစားရင်ကောင်းစားသွားမယ် သောက်တဲ့သူအတွက်ကတော့ လုံးဝအကျိုးမရှိတဲ့အပြင်၊ လူကိုပါအန္တာရယ်ဖြစ်စေတဲ့ ဒီအရက်ကို ဘာကြောင့်များနှစ်နှစ်ခြိုက်ခြိုက် သောက်နေခဲ့ကြတာလည်း။ လုံးဝစဉ်းစားလို့မရခဲ့ပါဘူး။
စီးပွားရေးအရ ဈေးကွက်တစ်ခုဖြစ်နေတဲ့ အရက်ကို ၀ိသမာလောဘသားတွေက သူတို့စီးပွားရေးတစ်ခုထဲ အကျိုးအတွက်နဲ့ မတားမြစ်မခြင်း ရောင်းနေကြမှာပါဘဲ။ ရောင်းတဲ့သူကိုအပြစ်တင်မလားဆိုတော့ သူတို့ကလည်း သောက်သုံးသူတွေရှိလို့သာ အခုလိုရောင်းနေကြတာပါ။ အဓိကကတော့ မိမိကိုယ်တိုင်ပဲလို့ ကျနော်စဉ်းစားမိ့တယ်။
သူကရောင်းချင်ဦးတောင် သောက်မယ်သူမရှိရင် ရောင်းနိုင်တော့မယ်မထင်ပါဘူး။
အရက်ကြောင့် ဘ၀ဆုံးသွားတဲ့သူတွေ၊ လူရာမ၀င်ဖြစ်ခဲ့ရသူတွေ ပတ်ဝန်းကျင်မှာ အများကြီးတွေ့မြင်ကြမှာပါ။ ကိုယ်ရှေ့မှာ ဒီလိုလူမျိုးတွေ မြင်တွေ့နေတာတောင်မှ အသောက်မပျက်တဲ့ အရက်ချစ်သူများကိုတော့ တကယ်အံ့သြရပါတယ်။ ဖြစ်လာမယ့်လမ်းကို ကြိုသိနေပါရက်နဲ့ သူတို့ဘယ်လို သတ္တိတွေနဲ့များ ဒီအရက်ကိုသောက်နေကြသလဲ။ စိတ်ညစ်လို့ သောက်တယ်ဆိုရအောင် အရက်သောက်တိုင်း စိတ်ညစ်ပြေသွားမလား၊ အဆင်မပြေမှုတွေပျောက်သွားမလား။ အလုပ်ပင်ပန်လွန်းလို့ ဆေးဖြစ်ဝါးဖြစ်သောက်ပါတယ်ဆိုရင်လည်း ကြာရင်အဲဒီလုပ်ရပ်က ရောဂါကို ငွေနဲ့ဝယ်ယူသလို ဖြစ်နေမှာပါ။ အရက်သောက်တော့မယ်ဆိုရင် ပထမဆုံး ကိုယ့်ကိုမှီခိုနေတဲ့ မိသားစု၊ မိမိရဲ့ဆွေမျိုးမိဘ၊ မောင်နှမတွေကို တစ်ချက်လောက်မြင်ကြည့်ပါ။ ကိုယ်သောက်လို့ကိုယ်ဖြစ်တယ်ဆိုအုံးတောင် သင့်မိသားစုက ဒီအတိုင်းကြည့်နေနိုင်မှာ မဟုတ်ပါဘူး။ ကိုယ်အတွက်နဲ့သူတို့တွေ ဒုက္ခရောက်ရမယ်ဆိုတာ စဉ်းစာကြည့်ရင်သိနိုင်မှာပါ။
ဘယ်သူမဆို နည်းနည်းပါးပါးဆိုရာကနေ စခဲ့ကျတာကြည်းပါ။ နောက်တော့ အဲဒီနည်းနည်းဆိုတာကနေ မသောက်ရမနေနိုင်တဲ့အထိဖြစ်လာခဲ့ကြပြီး၊ နောက်ဆုံးကိုယ်ရဲ့ဘ၀ကိုပါပေးဆပ်လိုက်ရတဲ့အထိ့ ဖြစ်သွားနိုင်ပါတယ်။ “ အစရှိ အနောင်နောင် ” ဆိုသလို ကောင်းကျိုးမပေးတဲ့ ဒီအရက်ကို အစမလုပ်မိ့ဖို့နဲ့ ကျနော်တို့ ဗုဒ္ဓဘာသာအရ ကံငါးပါးမှာ တစ်ပါးအပါအ၀င်ဖြစ်တဲ့ သေရည်သေရက် သောက်စားခြင်းကို ရှောင်ကျဉ်ကျဖို့ သူငယ်ချင်း အားလုံးကို ဒီဆောင်းပါးနဲ့အတူ ပြောချင်ပါတယ်။
မနေ့ည ၁၀း၃၀ နဲ့ ၁၂း၀၀ နာရီ ကျော်လောက်မှာ ငလျှင်လှုပ်သွားခဲ့တယ်။ ပထမ အကြိမ်လှုပ်တုန်းက ကျနော် TV ထိုင်ကြည့်နေတုန်းလှုပ်သွားခဲ့ပြီး သိပ်မပြင်းဘူး။ ဒုတိယအကြိမ် လှုပ်တာတော့ တော်တော်လေးပြင်းတယ်။ အဲဒီအချိန်မှာ ကျနော် အိပ်ရာထဲရောက်နေပြီ။ တစ်အိမ်လုံးကိုတုန်သွားခဲ့တယ်။ နောက်နေ့ နေ့လည် အလုပ်ရောက်ရောက်ချင်း စောသေးလို့နားမလို့လုပ်နေတုန်း ယူနီဖောင်းဝတ်ပြီး လာခဲ့ပါလိုပြောသွားတယ်။ ဘာလို့လည်းလို့မေးကြည့်လိုက်တော့ မနေ့ကငလျှင်လှုပ်သွားတဲ့ ဒဏ်ကြောင့် အရင်ကတည်းက ကြွချင်နေတဲ့ ဧည့်ခန်းမှာခင်းထားတဲ့ကြွေပြားတွေက အကုန်နီးပါးလောက် ကြွတက်လာတယ်လို့ပြောတယ်။ အဲဒီကိစ္စနဲ့ပက်သက်ပြီး မန်နေဂျာကအစ အကုန်အလုပ်ရှုပ်သွားကြတယ်။ ကျနော်တို့ လက်ရှိအလုပ်လုပ်နေတဲ့နေရာကိုလည်း တခြားတစ်နေရာပြောင်းလိုက်ရတယ်။
3 Colum Template လုပ်ချင်တာနဲ့ ကိုရန်အောင် ရဲ့ Blog မှာ ပြောပြထားတဲ့အတိုင်း စမ်းကြည့်လိုက်တယ်။ ပထမတော့ အဆင်မပြေဘူး။ ရှင်းပြထားတာကို သေချာပြန်ဖတ်ကြည့်တယ် နောက်ပြီး တခြားလိုအပ်တာလေးတွေ ကိုယ်ဖာသာပြန်စဉ်းစားပြီး ထပ်လုပ်ကြည့်တော့ နည်းနည်းအဆင်ပြေလာတယ်။ ဒါပေမယ့် ကိုယ်လိုချင်တဲ့ ပုံစံမျိုးတော့ဖြစ်မလာသေးဘူး။ လိုတာတွေရော မလိုတာတွေရောပေါ်လာတယ်။ အသစ်ထပ်ယူလိုက်တဲ့ sidebar မှာ background color ထည့်ချင်တာ အဆင်မပြေဘူး။ နောက်ပြီး header ရဲ့အောက်မှာ အဖြူလိုင်း တစ်ခုပေါ်လာတယ်။ ဘယ်နေရာမှားသွားလည်းမသိဘူး။ အခုလောလောဆယ်တော့ လက်ရှိမြင်နေရတဲ့အတိုင်း blog ကပုံစံမကျဖြစ်နေတယ်။ ထပ်ပြင်ဖို့ရာလည်း အချိန်က မနက်လင်းတော့မယ်။ စဉ်းစားရလွန်းလို့ ခေါင်းလည်းပူနေပြီ။ ဒီတော့ 3 colum template ကိုဒီမှာပဲ ခေတ္တရပ်ထားလိုက်ပါသည်။
မနေ့က Google Map မှာ မန္တလေးမြို့ကိုရှာပြီး လျှောက်ကြည့်ရင်းနဲ့အချိန်ကုန်သွားခဲ့တယ်။ Google Map ကိုကြည့်ရတာ အားမရလို့ ဒီနေတော့ Google Earth ကို Download လုပ်ပြီး မန္တလေးမြို့ကို အပေါ်စီးကနေ ထပ်ကြည့်ဖြစ်တယ်။ ကြည့်ရတာ တကယ်ကိုအားရစရာပဲ။ ကိုယ်နေတဲ့ အိမ်ကိုရှာကြည့်တာ မမှတ်မိ့ဘူးဖြစ်နေတယ်။ သွပ်မိုးအိမ်လေးတွေက တန်းစီနေတော့ ကိုယ်အိမ်ဘယ်ဟာလည်းဆိုတာတောင် မဝေခွဲတက်တော့ဘူး။ အထင်ကရ နေရာတွေကိုတော့ အမှတ်တရအနေနဲ့ ဒီပိုစ်မှာတင်ထားလိုက်ပါတယ်။
မန္တလေး မဟာမြတ်မုနိဘုရားကြီး
ဘွဲနှင်းသဘင်ခန်းမ
နန်းရှေ့ဈေး
အမျိုးသားကဇာတ်ရုံ
ရွှေကျောင်း နှင့် အတုမရှိ
ဘူတာကြီး
ရတနာပုံဈေး ပုံ(၁)
ရတနာပုံဈေး ပုံ(၂)
ဆောင်ရန်ရှောင်ရန် အချက်လေးတွေပါ။
၁။ မြေဖို့ခြင်း သစ်ပင်စိုက်ခြင်းပြုလျှင်
နေအိမ်ဧ။် အနိမ့်ဘက် နောက်ဖေးဘက်မှ မြေ၊ အိမ်သာကျင်းမြေများကို မျက်နှာစာအရပ်တွင် ဖို့ခြင်း၊ သစ်ပင်စိုက်ခြင်း မပြုလုပ်သင့်ပါ။ ကံဇာတာများ နိမ့်ကျခြင်းများ ကြုံရတက်ပါတယ်။
၂။ ဆိုင်းဘုတ်တင်ရင်
ဈေးဆိုင်၊ အလုပ်ခန်းတွေမှာ ဆိုင်းဘုတ်တင်တဲ့အခါ ယတြာပန်းများ ချိတ်ဆွဲထားကြပါတယ်။ ပန်းများနွမ်းခြောက်သွား၍ မဖြုတ်ဘဲထားလျှင် မိမိလုပ်ငန်းများအတွက် မကောင်းပါ။
၃။ သားသမီးများကြောင့်မိဘ ဒုက္ခမရောက်ချင်ရင်
သားသမီးများသည် အပြစ်ကင်းစင်သည် ဆိုပါသော်လည်း မိဘဧ။် ဦးခေါင်းအား လက်နှင့် မပုတ်စေရ၊ အကျင့်ပြုလုပ်၍ မဆဲဆိုစေရပါ။ မိဘရဲ့လုပ်ငန်း ထိခိုက်တတ်ပါတယ်။
မိဘဧ။် ခေါင်းအုံးအားခွခြင်း၊ ကျော်လွှားခြင်း ပြုလုပ်ပါက ထိုမိဘများမှာ ပူပင်သောကများစွာ ကြုံရပြီး ဆိုးကျိုး ဒုက္ခများ ကြုံတွေ့ရတတ်ပါတယ်။
၎။ ဘုရားပန်း စွန့်ပစ်ရင်
ဘုရားစင်တွင် ပူဇော်ကပ်လှူပြီးသော ပန်း၊ ရေချမ်း၊ ဆီမီးတို့အား အသစ်လဲလှယ်လျှင် ဘုရားပန်း ရေချမ်းတို့ကို မျက်နှာစာ ခေါင်းရင်းအရပ်တို့တွင်သာ စွန့်ပစ်ပါ။
နေအိမ်ဧ။် ခြေရင်းဘက်၊ နောက်ဘက်များတွင် မစွန့်ပစ်သင့်ပါ။
၅။ အိမ်မွေးတိရစ္ဆာန် မွေးမြူရင်
အိမ်မွေးတိရစ္ဆာန် မွေးမြူမိပါက မြင့်မြတ်သော အိမ်ဧ။်နေရာများ အလုပ်ခန်းများသို့ ၀င်ထွက်သွားလာခွင့် မပြုသင့်ပါ။ အိမ်ခေါင်အမိုးပေါ်သို့လည်း မတက်သင့်ပါ။
၆။ ကားများ ပျက်စီးခြင်း၊ တိုက်မိခြင်း မဖြစ်စေချင်ရင်
မိမိနေအိမ်၊ လုပ်ငန်းတွင် အသုံးပြုသော ကားကိုမမောင်းခင် အမွှေးနံ့သာရည်၊ တရော်ကင်ပွန်းရည်များဖြင့် နံနက်တိုင်း ပက်ဖျန်းပါ။ ကျက်သရေမင်္ဂလာ တိုးပွားစေပြီး အန္တရယ်ကင်းပါတယ်။
ကားကို ဂိုထောင်ထဲ သိမ်းဆည်းလျှင် ကားဧ။်ထိပ်ပိုင်း ခေါင်းနှင့် အိမ်ကို မထိခိုက်စေရ၊ မတိုက်မိစေရပါ။ တိုက်ခိုက် ထိမိပါက ၎င်းနေရာကို တရော်ကင်ပွန်းဖြင့် ဆေးကြောသန့်စင်ပါ။
၇။ လုံချည်၊ ထဘီ ၀တ်ဆင်ရင်
ဝတ်ဆင်သည့် လုံချည်၊ ထဘီများအား ဦးခေါင်းထက်မှကျော်၍ ချွတ်ခြင်း၊ လဲလှယ်ခြင်း၊ ၀တ်ဆင်ခြင်းများ မပြုသင့်ပါ။ မိမိဧ။် ကျက်သရေမင်္ဂလာများ နိမ့်ပါးကျဆင်းစေတတ်ပါတယ်။ လုံချည်၊ ထဘီများကို ခြေထောက်မှ သာချွတ်၍ လဲလှယ်ဝတ်ဆင်ပြီး စနစ်တကျ ခေါက်သိမ်းပါက ကျက်သရေမင်္ဂလာ ကောင်းကျိုးစီးပွားများ ဖြစ်ထွန်းချောမွေ့ အောင်မြင်စေပါတယ်။
၈။ နေအိမ်အောက် ကြိုးတန်းအောက်
နေအိမ်များအောက် လုံချည်၊ ထဘီ၊ ဘောင်းဘီ များလှမ်းသည့် ကြိုးတန်းများအောက်သို့ ၀င်ခြင်း၊ ဖြတ်သန်းခြင်း မပြုသင့်ပါ။ ဘုန်းကျက်သရေမင်္ဂလာများ နိမ့်ပါးကျဆင်းတတ်ပါသည်။ တတ်နိုင်သမျှ မ၀င်မိ၊ မဖြတ်မိအောင် ရှောင်ကြဉ်ပါ။
Reference: Yaung Pyan Magazine, August 2007
စာတွေနဲ့ပြည့်နေတဲ့ကျနော့်ရဲ့ Blog စာမျက်နှာအတွက် မန္တလေးမြို့ရဲ့ပုံတွေကို စုစည်းမိ့သလောက်တင်ပြပေးလိုက်ပါတယ်။
မှတ်ချက်။ ။ယခုပုံများကို myanmars.net မှ ရယူထားခြင်းဖြစ်ပါသည်။
ဇာတ်ကောင်ကို ပီပြင်စွာ၊ သဘာဝကျစွာ သရုပ်ဆောင်တက်သော၊ ပြည်သူချစ်သော အနုပညာရှင် ကိုသားကြီး တစ်ယောက် ၁၁.၀၇.၀၇ နေ့ကကွယ်လွန်သွားကြောင်းကြားသိရတဲ့အတွက် စိတ်မကောင်းဖြစ်ရပါတယ်။ ကိုသားကြီး တစ်ယောက်ကောင်းရာသုကတိလားပါစေ....
အခု မန္တလေး ရဲ့မြို့နယ်တော်တော်များများကို ၂၄ နာရီ မီးလာနေပြီလို့သိရတယ်။ ကျနော်တို့ရပ်ကွက်မှာလည်း ၈.၇.၀၇ နေ့ကစပြီးမီးမပျက်တာ ဒီနေ့အထိ့ပါပဲ။ ပျက်လည်း ၅ မိနစ် ၁၀ မိနစ်လောက် ပျက်ပြီးနောက်ပြန်လာတယ်။ ဒီအတိုင်းသာ ပုံမှန်ဖြစ်ခဲ့ရင် တကယ်ဝမ်းသာစရာပါ။
အလုပ်မှာက အင်တာနက်သုံးဖို့ တရားဝင်ခွင့်ပြုမထားခဲ့ဘူး။ အဲဒါကြောင့် ညဘက် duty ကျတဲ့အချိန်မှာပဲ အင်တာနက် သုံးဖြစ်ခဲ့တယ်။ night duty က လတိုင်း တစ်ပတ်မှာ ၂ ရက် (သို့) ၃ ရက်ပါတယ်။ ဒီလမှာ ၁ပတ်ကို ၃ ရက် night duty ဆင်းရတယ်။ အခုအချိန်က အလုပ်ပါးတဲ့လတွေဆိုတော့ လုပ်စရာအလုပ်တွေက ၁၂၊ ၁ နာရီလောက်ဆိုပြီးသွားပြီ။ ကျန်တဲ့ အချိန်တွေအားနေတော့ ကျနော်အတွက်ပိုအဆင်ပြေသွားတယ်။ အလုပ်ပြီးတာနဲ့ အင်တာနက်သုံးနေလိုက်တော့တယ်။
အခုရက်ပိုင်း ဘာပို့စ်မှမရေးဖြစ်ဘဲ ... Blogger အနှံခြေဆန့်ပြီး ဟိုလျှောက်လုပ် ဒီလျှောက်လုပ်နဲ့ အချိန်ကုန်သွားတယ်။ နေရာသစ် လည်းပိုပြီး စိုစိုပြေပြေဖြစ်လာတယ်လို့ ထင်မိ့တယ်။ အဲဒီအတွက် Senior blogger များကိုလည်းကျေးဇူးတင်ပါတယ်။ သူတို့တင်ထားတဲ့ ပိုစ်တွေ သူတို့ရဲ့မျှဝေပေးမှုတွေကြောင့်လည်း ကျနော်တို့လို blogger အသစ်တွေအတွက်အများကြီးအဆင်ပြေပြီး အထောက်အကူဖြစ်ခဲ့ပါတယ်။ ကျနော်ရဲ့ရှေ့ဆောင်လမ်းပြ Blogger သူငယ်ချင်း ပေါက်ပေါက်ဆုပ် ကိုလည်းကျေးဇူးအထူးတင်ပါတယ်။
အလုပ်ရောက်ကတည်းက လုပ်ရမယ့်အလုပ်တွေ ဘာမှမလုပ်ရသေးဘူး အရင်ဆုံး ကိုယ်ရဲ့ Blog ကိုဖွင့်မိတယ်။ နောက်တခြား Blog တွေလျှောက်ကြည့်ရင်း အရှိန်ပါသွားပြီး အချိန်ကုန်မှန်းမသိကုန်သွားတယ်။ သူများတွေရဲ့ Blog လို Header လှလှလေးလုပ်ချင်တာနဲ့ ကျနော်ရဲ့ Header ကိုလည်းချိန်းလိုက်ပြီး cbox ပါထပ်ထည့်လိုက်တယ်။ colour တွေပြောင်းလိုက်တယ်။ အားလုံးပြီးတော့ မနက် 3:00 နာရီကျော် ရှိနေပြီ။
Video ဖိုင်မှ MP3, WMA, OGG, AAC, M4A, WAV, AC3 စသောဖိုင်များသို့အလွယ်တကူပြောင်းလဲနိုင်သော Audio Converter တစ်ခုပါ။ သုံးရတာလည်းလွယ်ကူပါတယ်။ အသုံးပြုဖို့အတွက်တော့ Registration လုပ်ရပါတယ်။ ဒီနေရာမှာ download ရယူနိုင်ပါတယ်။
Name: piaodown
Key : 105506781416248897503F10-1544-F571-21F9
နေ့လည်က အားနေတာတဲ့ မရှင်းဖြစ်တဲ့ ကျနော်ရဲ့ အခန်းကို သန့်ရှင်းရေးဝင်လိုက်တယ်။ မရှင်းတာတော်တော်ကြာနေပြီဆိုတော့ ဖုန်တွေတော်တော်များများ ထွက်လာတယ်။ နောက်ပြီး လုပ်မယ်လို့ စိတ်ကူးထားပေမဲ့ အခုထိမလုပ်ဖြစ်သေးတဲ့ အလုပ်တစ်ခုကိုလည်း အခန်းသန့်ရှင်းပြီ့း တစ်ခါတည်းဆက်လုပ်ဖြစ်သွားတယ်။ အဲဒါကတော့ ကျနော်မှာ ရှိနေတဲ့ကြယ် ၁၆ ခုကိုကြိုးနဲ့သီပြီး အပေါ်မျက်နှာကျက်မှာချိပ်ထားလိုက်တယ်။ တစ်ယောက်သောသူအတွက် အမှတ်တရပေါ့။
မြန်မာ့တိုင်း အတွဲ ၁၆၊ အမှတ် ၃၁၇ မှာပါတဲ့ ဟာသတစ်ပုဒ်ကို ဖတ်ပြီးသဘောကျတာနဲ့ သူငယ်ချင်းတွေဖတ်ဖို့ တင်ပေးလိုက်ပါတယ် ...
ဂျက်ဆိုတဲ့ကောင်လေးတစ်ယောက်ဟာ လမ်းလျှောက်နေစဉ်မှာ တိုးတိုးလျလျအသံတစ်သံ ကြားတယ်။ “ ရပ်လိုက်။ ရပ်နေပါ။ သင် ရှေ့ခြေတစ်လှမ်းတိုးလိုက်တာနဲ့ သင့်ခေါင်းပေါ် အုတ်ခဲတစ်ခဲ ကျလာပြီး သေလိမ့်မယ် ” ဒါနဲ့ သူ ရုတ်တရက်ရပ်လိုက်တဲ့အခါ သူ့ရှေ့ကို အုတ်ခဲကြီးတစ်ခဲ ၀ုန်းခနဲ ကျလာတယ်။ အဲဒီအခါ ဂျက် အတော်အံ့အားသင့်သွားတယ်။ ဒါနဲ့ သူဟာ ဆက်လျှောက်သွားပြီး လမ်းကူးခါနီးမှာ ခုန အသံကို ထပ်ကြားလိုက်ရပြန်တယ်။ “ အိုး ... ရပ်လိုက်။ သင်ရှေ့ဆက်တိုးလိုက်တာနဲ့ သင့်ကို ကားတစ်စီးက အရှိန်ပြင်းပြင်းနဲ့ တိုက်သွားလိမ့်မယ်။ အဲဒီအခါ သင်သေလိမ့်မယ် ” တဲ့။ အဲဒီလို ကြားကြားချင်းပဲ ဂျက်ဟာ လမ်းဖြတ်ကူးမလို့ လုပ်ရာက ရပ်ပစ်လိုက်တယ်။ အဲဒီမှာ တကယ်ပဲ ကားတစ်စီးဟာ သူနဲ့ အတော်နီးနီးကပ်ကပ်နေရာက ဖြတ်မောင်းသွားတယ်။ တကယ်ကို တိုက်မိတော့မလို့။ အဲဒီမှာ ဂျက်က “ မင်း ဘယ်သူလဲ၊ ဘယ်မှာလဲ ” လို့ မေးလိုက်တယ်။ “ ကျွန်တော် ခင်ဗျားကို စောင့်ရှောက်တဲ့နတ်ပါ ” လို့ အသံရှင်က ဖြေတယ်။
အဲဒီအခါ ဒေါနဲ့မောနဲ့ ဂျက်ပြန်ပြောလိုက်တာက ...
“ ဟေ ... တကယ်။ ဒါဆိုရင် ငါ မိန်းမယူတုန်းက မင်း ဘယ်သွားသေနေလဲကွ ” တဲ့
နိုင်းနိုင်းစနေ ရဲ့ Blog မှာတင်ထားတဲ့ ပိုစ် တစ်ခုပါ။ ဖတ်ကြည့်ပြီး စိတ်ထဲတစ်မျိုးခံစားလိုက်ရတယ်။ Print လည်းထုတ်ချင်တာနဲ့ A4 တစ်မျက်နှာထဲဖြစ်အောင်လုပ်ထားတာပါ။ ပုံအကြီးကြည့်ချင်တယ်ဆိုရင် ပုံပေါ်ကို click လုပ်လိုက်ပါ။
မူရင်းစာမျက်နှာကို ဒီမှာ ကြည့်နိုင်ပါတယ်။
မနေ့ကတည်းက Zawgyi-one font သုံးဖို့အတွက်လိုက်ပြင်နေရတာ အခုထိအဆင်မပြေဘူးဖြစ်နေတယ်။ ခေါင်းတောင်မူးလာပြီ။ မနေ့က ကျနော်ရေးပြီးတဲ့ ပို့စ်တွေကို Public မှာပြန်ကြည့်တော့ မြန်မာလို မပေါ်ဘဲ ???? တွေပဲပြနေလို့ မြန်မာလိုပေါ်အောင်ပြန်ပြင်နေရင်းမိုးလင်းသွားတယ်။ အဲဒါက Firefox မှာပြင်လိုက်တာ။ အခု ကျနော် Blog ကို IE မှာပြန်ကြည့်လိုက်တော့ ပို့စ်တွေကတော့မြန်မာလို ပေါ်ပါတယ် Label တွေမှာကျတော့ မြန်မာလိုမပေါ်ပြန်ဘူး။ Firefox မှာပြန်ကြည့်တော့အားလုံးက OK ပဲ။ ဘာကြောင့် အဲဒီလိုဖြစ်လည်းဆိုတာ ကျနော်စဉ်းစားလို့မရသေးဘူး၊ IE နဲ့ Firefox မှာဘာတွေကွာနေလဲ။ စဉ်းစားရင်းကျနော်လည်နေတယ်။ နားလည်တဲ့သူတစ်ယောက်မေးကြည့်တာ အကောင်းဆုံးဖြစ်မှာပါ။
" Life always gives you back what you give out! "
ကျနော်နှစ်သက်တဲ့စာသားလေးပါ။ online မှာခင်တဲ့အစ်မတစ်ယောက်က အီးမေးလ်နဲ့ပိုပေးလိုက်တာပါ။ မူလ Power Point file ကို အောက်တွင် download ရယူနိုင်ပါသည်။
Echo Of Life
အိမ်မှာတူမလေးနဲ့ဆော့ရင်း ကျနော်ဝတ်ထားတဲ့နာရီလေး မတော်တဆဖြစ်ပြီး မှန်ကွဲသွားတယ် ... ... တန်ဖိုးမကြီးပေမယ့် ကိုယ်နှစ်သက်တဲ့ နာရီ ဆိုတော့တော်တော်နှမြောမိ့တယ်။ နောက်ထပ်လည်း မ၀ယ်နိုင်သေးတော့ လောလောဆယ် ဒီနာရီလေးပဲဆက်ပတ်ထားရအုံးမယ်။ မှန်ကကွဲတယ်ဆိုပေမယ့် အက်သွားရုံလောက်ပဲဆိုတော့ ၂ ရက် ၃ ရက်တော့ဝတ်ထားလို့ရလောက်မှာပါ။
မနေ့က blog မှာ နေရာသစ် နာမည်နဲ့ account အသစ်ယူလိုက်ပါတယ်။ ဇော်ဂျီ font သုံးဖို့အတွက်ကိုတော့ saturngod.blogspot.com မှာပြောပြထားတဲ့အတိုင်း သွင်းခဲ့ပါတယ်။ စေတန်ကိုလည်းကျေးဇူးတင်ပါတယ်။ ဇော်ဂျီ font တင်နေရင်း connection ပြတ်သွားတယ်။ မနက် ၅း၀၀ နာရီလောက်မှ connection ပြန်ကောင်းလာတယ်။ ၆း၃၀ မှာ duty ထွက်မှာဆိုတော့ post အသစ်တင်ဖို့ရာ အဆင်မပြေတော့တာနဲ့ အဲ့ဒီနေ့က post မတင်ဖြစ်လိုက်တော့ဘူး။ Blog မရေးဖြစ်ပေမယ့် သူများရေးထားတဲ့ Blog တွေကိုဝင်ကြည့်နေခဲ့တာ ကြာပါပြီ။ ပထမဆုံး စ၀င်ဖြစ်တဲ့ Blog က Arloo ရဲ့ blog ပါ။ နောက် ညီလင်းဆက်၊ မောင်လှ၊ saturngod စတဲ့ blog တွေကို ကျနော်ဝင်ကြည့်ဖြစ်ပါတယ်။ အားလုံးက သူတို့ရဲ့ အယူအဆ၊ ထင်မြင်ချက်တွေ နဲ့ computer နဲ့ပက်သက်တဲ့ ဗဟုသုတ ရစရာတွေတင်ထားကျလို့ သူတို့တွေရဲ့ blog များကိုအမြဲလိုဝင်ကြည့်ဖြစ်ခဲ့ပါတယ်။
